«Միջազգային արբիտրաժային դատարանը» մշտապես գործող Արբիտրաժային դատարան է , որը ստեղծվել և գործում է միջազգայնորեն ընդունված սկզբունքներին համապատասխան՝ առևտրային /պայմանագրային/ վեճերի պրոֆեսիոնալ, արագ և արդարացի լուծման նպատակով:
Ժամանակակից աշխարհում մեծ տարածում ունեն պետական դատական համակարգին զուգահեռ վեճերը լուծող այլընտրանքային կառույցները, որոնցից են նաև առևտրային արբիտրաժները: Վեճերն անկախ և արդարացի լուծող արբիտրաժային դատարանների զարգացումը ներկայումս ներդրումների խթանման և տնտեսության զարգացումն ապահովելու անհրաժեշտ նախապայմաններից մեկն է։
Հաշվի առնելով արբիտրաժային դատարանների կարևորությունը և հիմք ընդունելով ՀՀ օրենսդրությունը, ինչպես նաև ոլորտը կարգավորող միջազգային իրավական ակտերը` մենք ստեղծել ենք անկախ, անկողմնակալ և պրոֆեսիոնալ մշտապես գործող միջազգային արբիտրաժային դատարան՝ ներդնելով միջազգային լավագույն փորձը:
Մեր արբիտրաժային դատարանում կարող են քննվել ինչպես ՀՀ քաղաքացիների և իրավաբանական անձանց, այնպես էլ տարբեր պետությունների սուբյեկտների միջև առաջացող առևտրային վեճերը։